साहित्य
पनीर ग्रेव्ही..
पनीर 250 ग्रॅम
काजू पावडर … एक वाटी
क्रीम/फेटलेली साय … एक वाटी
गोड दही … अर्धी वाटी
आले पेस्ट … एक चमचा
साजूक तूप … 2 टेबल स्पून ( फोडणीसाठी)
हिरवी मिरची पेस्ट .. एक चमचा
मीठ … अर्धा चमचा/ चवीप्रमाणे
लिंबूरस … 1 मोठा चमचा
भगरीच्या/ वरईच्या पुऱ्या…
दोन वाटी भगरीचे पीठ
दोन मोठे चमचे साबुदाणा पीठ
जिरे पूड .. अर्धा चमचा
मीठ … अर्धा चमचा
पाणी .. पीठ मळण्यासाठी
तेल/ तूप … तळणीसाठी
कृती…
पुऱ्यांसाठी …
दोन्ही पीठे एक करून त्यात मीठ आणि जिरेपूड घालून लागेल तसे थोड्या पाण्यात घट्ट मळून 1 तास झाकून ठेवावे. परत पाण्याचा हात लावून पीठ मऊ मळून . प्लास्टिकच्या पिशवीवर थापून पुऱ्या तुपात नाहीतर तेलात तळून काढाव्या
पनीर ग्रेव्ही …
प्रथम पनीरला लिंबू रस आणि मीठ लावून अर्धा तास झाकून ठेवावे . नंतर त्यात आले पेस्ट, मिरची पेस्ट आणि दही लावून परत अर्धा तास झाकून ठेवावे. एक कढई गरम करून त्यात तूप सोडून … पनीरचे तुकडे हलक्या हाताने त्यात परतून घ्यावे ,. दह्याचे पाणी आटले की त्यात काजू पावडर आणि क्रीम घालून छान परतावे … मग अर्धी वाटी पाणी घालून थोडे हलवावे मग झाकण ठेवून एक वाफ काढावी … त्यात चवीप्रमाणे मीठ घालून परत अर्धी वाटी पाणी घालून एक उकळी आली की … पनीर इन व्हाईट ग्रेव्ही तयार .
सादरीकरण
सौ. पल्लवी प्रधान,
प्रधान कॅटरर्स. पुणे